„Fer vaxandi með hverju árinu“

Það var góð stemning í Lystigarðinum á Akureyri í dag þar sem borðin svignuðu af möffinskökum í öllum regnbogans litum, þegar möffinsbasarinn Mömmur og möffins var haldinn tíunda árið í röð.

Valdís Anna Jónsdóttir sem er í forsvari fyrir Mömmur og möffins segir tæplega 3.000 möffins hafa verið bakaðar að þessu sinni. mbl.is/Þorgeir

Sólin braust fram rétt áður en við byrjuðum, þannig að það var allt eins og best verður á kosið, segir Valdís Anna Jónsdóttir sem er í forsvari fyrir Mömmur og möffins. 

Tæplega þrjúþúsund möffinskökur voru settar á borðin þetta árið og seldust þær vel flestar. „Það safnaðist rúm milljón á þessum tveimur tímum,“ segir Valdís Anna.

„Þetta er í þriðja skipti sem við erum með þetta og þetta hefur farið vaxandi með hverju árinu,“ bætir hún við. Það geta allir tengt við málefnið, það finnast öllum möffins góð og svo hentar þetta öllum aldurshópum.“

Sólin braust út rétt áður en möffinssalan hófst. mbl.is/Þorgeir

Ágóðinn af möffinssölunni fer í að styrkja fæðingardeild sjúkrahússins á Akureyri. „Það er mikil þörf fyrir þetta þar,“ segir Valdís Anna og kveður deildina taka þakkáta á móti fjárgjöfinni.

Ágóðinn af möffinssölunni fer í að styrkja fæðingardeild sjúkrahússins á Akureyri. mbl.is/Þorgeir

• Blogga um frétt