„Skipulagsreglur kveða skýrt á um það að berist skrifleg ósk um það frá 5.000 flokksmönnum beri miðstjórn skylda til að láta kosningu fara fram um málefnið meðal flokksmanna.“

Frétt af mbl.is

Fengið mikil og góð viðbrögð

Þetta segir Þórður Þórarinsson, framkvæmdastjóri Sjálfstæðisflokksins, í svari við fyrirspurn frá mbl.is vegna undirskriftasöfnunar sem Jón Kári Jónsson, formaður Félags sjálfstæðismanna í Holta- og Hlíðahverfi, ýtti úr vör í vikunni þar sem ætlunin er að virkja áðurnefnt ákvæði í skipulagsreglum Sjálfstæðisflokksins svo fram fari atkvæðagreiðsla á meðal flokksmanna um þriðja orkupakka Evrópusambandsins.

Mbl.is spurði Þórð með hvaða hætti mætti búast við að brugðist yrði við því tækist Jóni Kára að safna tilskildum fjölda undirskrifta og enn fremur hvort rafræn undirskriftasöfnun flokkaðist undir skriflega ósk að mati Sjálfstæðisflokksins. Svaraði Þórður því til að ef slíkt erindi bærist til miðstjórnar flokksins tæki hún það til umfjöllunar og afgreiðslu.

Ekki hefur náðst í Bjarna Benediktsson, formann Sjálfstæðisflokksins sem jafnframt er formaður miðstjórnar flokksins, vegna málsins.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• Blogga um frétt