Hlé gert á leitinni við Þingvallavatn

Leit við Þingvallavatn hefur verið hætt að sinni, en þar hefur manns verið leitað frá því á fjórða tímanum í dag eftir að mannlaus bátur fannst á vatninu.

Um sjötíu manns hafa komið að leitinni í dag, bæði á bátum og fótgangandi meðfram vatninu, og hafa einhverjir verið með leitarhunda sér við hlið. Bakpoki fannst við leitina í flæðarmáli vatnsins.

Björgunarsveitir voru kallaðar út til leitarinnar á fimmta tímanum í dag. mbl.is/Sigurður Bogi

Davíð Már Bjarnason, upplýsingafulltrúi Slysavarnafélagsins Landsbjargar, segist búast við að svipaður kraftur verði settur í leitina í fyrramálið þegar leit hefst aftur um klukkan níu.

Báturinn sem fannst er nú í vörslu lögreglunnar, en svo virðist sem um sé að ræða einhvers konar gúmkajak.

Bakpoki fannst í flæðarmáli Þingvallavatns eftir að leitin hófst. mbl.is/Sigurður Bogi

Frétt af mbl.is

Fundu bakpoka í vatninu

• Blogga um frétt