Mjaldrarnir Litla-Hvít og Litla-Grá eru ekki enn fyllilega tilbúnir að hefja nýtt líf í sjókvínni í Klettsvík, en áfram búa þeir sig undir dvölina þar.

Þeir hafa nú dvalið í umönnunarlauginni í Þekkingarsetri Vestmannaeyja í 50 daga en upphaflega var talið að þeir myndu hljóta þar þjálfun fyrir sjókvína í 45 daga.

„Þegar umönnunarteymið telur mjaldrana tilbúna fyrir dvölina verður tilkynnt hvenær Litlu-Hvít og Litlu-Grá verður sleppt í Klettsvík,“ sagði James Burleigh, markaðsstjóri Sea Life Trust.

Umönnunarteymi mjaldranna annast þá enn reglulega og það heldur áfram að venja þá breyttum aðstæðum. Burleigh sagði að mjaldrarnir hafi komið sér vel fyrir í lauginni og að velferð þeirra sé enn í algjörum forgangi í ferlinu.

Tengdar fréttir

Mjaldrar í Vestmannaeyjum

Önnur mjaldrasystirin veik

• Olíuleki í heimkynnum mjaldranna
• Kví mjaldurssystra er komin til Eyja
• Allt virðist mögulegt í Eyjum
• Stórkostlegt að sjá þær synda í fyrsta sinn

» Fleiri tengdar fréttir