Sam­tök­in '78 munu bregðast með ein­hverj­um hætti við því ef Mike Pence, vara­for­seti Banda­ríkj­anna, kem­ur til lands­ins og munu jafn­vel boða til mót­mæla. Þetta seg­ir Þor­björg Þor­valds­dótt­ir, formaður sam­tak­anna, í Morg­un­blaðinu í dag.

Greint var frá því í vik­unni að Mike Pence væri á leið til lands­ins á næstu vik­um til að funda með Guðlaugi Þór Þórðar­syni ut­an­rík­is­ráðherra um viðskipta­sam­ráð Íslands og Banda­ríkj­anna. Pence er kunn­ur fyr­ir íhalds­sam­ar skoðanir og þá sér í lagi varðandi rétt­indi hinseg­in fólks. Þá er hann and­víg­ur fóst­ur­eyðing­um.

„Hann hef­ur mjög hættu­leg­ar skoðanir og hef­ur stutt mjög hættu­lega stefnu þannig að ég geri fylli­lega ráð fyr­ir að við mun­um bregðast við með ein­hverj­um hætti. Hvernig það verður er ekki ákveðið. Við erum svo­lítið að bíða eft­ir því að vita hvenær hann muni koma,“ seg­ir Þor­björg.

Tengd­ar frétt­ir

Íslands­heim­sókn Mike Pence

Hluti af sam­keppn­inni við Kína

• Pence þakk­ar fyr­ir sig
• Sak­ar Pence um „mein­fýs­inn róg­b­urð“
• Full­fær­ir í sam­skipt­um við Kín­verja
• Funda með Katrínu vegna þjóðarör­ygg­is­stefnu

» Fleiri tengd­ar frétt­ir