Merkel spókar sig í miðbænum

Angela Merkel, kanslari Þýskalands, er á landinu en hún fundar með Katrínu Jakobsdóttur og forsætisráðherrum Norðurlanda á Þingvöllum í kvöld.

Nú í eftirmiðdaginn sást til kanslarans á göngu upp Bankastrætið. Ásdís Halla Bragadóttir, fyrrverandi bæjarstjóri í Garðabæ, festi Merkel og fylgdarlið á filmu og fékk kanslarann meira að segja til að horfa þráðbeint í myndavélina, þótt það hafi sennilega verið óviljandi.

Frétt af mbl.is

20 fylgjast með komu Angelu Merkel

„Ég ætlaði ekkert að trufla hana,“ segir Ásdís, sem segir Merkel hafa virkað afslappaða og sátta. Ásdís var á leið sömu átt og þýska sveitin, frá Menntaskólanum í Reykjavík upp Bankastræti og þaðan inn á Laugaveg. Hún segir að Merkel hafi ekki orðið fyrir neinu áreiti á leiðinni þótt margir hafi vissulega snúið sér við til að gefa henni gaum, er hún arkaði upp verslunargötuna til að kynna sér náttúruleg heimkynni Þjóðverja í Reykjavík.

Myndin í fullri stærð. Ljósmynd/Ásdís Halla Bragadóttir

• Blogga um frétt