Sund­hóp­ur­inn Mar­glytt­urn­ar, Blái her­inn og hóp­ur sjálf­boðaliða, alls um sex­tíu manns, tíndu upp um tvö tonn af rusli í Möl­vík við Grinda­vík í kvöld.

Frétt af mbl.is

Lagðist til sunds með „Mar­glytt­um“

Soffía Sig­ur­geirs­dótt­ir, ein af Mar­glytt­un­um, seg­ir ár­ang­ur­inn mjög góðan miðað við aðeins tveggja tíma verk. „Þessi fjara var hreinsuð fyr­ir tæp­lega fjór­um árum síðan. Þá var nán­ast eins og hún hefði verið ryk­suguð en þrátt fyr­ir það náðum við að taka sam­an tvö tonn,” seg­ir hún og nefn­ir að ýmsu úr sjáv­ar­út­veg­in­um skoli á land í fjör­unni ásamt skot­hylkj­um, brotn­um leir­dúf­um og eyrna­töpp­um frá skot­veiðimönn­um. Mest hafi verið um plast og veiðafæri í fjör­unni. 

Mar­glytt­urn­ar ásamt for­seta Íslands í kvöld. Ljós­mynd/​Aðsend

Guðni Th. Jó­hann­es­son, for­seti Íslands, tók þátt í hreins­un­inni og stóð hann sig gríðarlega vel að sögn Soffíu, enda mik­ill um­hverf­is­vernd­arsinni. „Það er virki­lega ánægju­legt að hann hafi lagt þessu lið. Þetta er svo brýnt fyr­ir okk­ur. Við vilj­um hafa Ísland hreint og sjó­inn hrein­an svo að bæði við sjó­sunds­fólkið og fisk­arn­ir geti synt í hrein­um sjó og að við get­um borðað hrein­an fisk en ekki mengaðan af plasti.”

Frétt af mbl.is

Stórt skref út fyr­ir þæg­ind­ar­hring­inn

Mar­glytt­urn­ar synda boðsund yfir Ermar­sundið í byrj­un sept­em­ber til að vekja at­hygli á plast­meng­un í hafi og safna um leið áheit­um fyr­ir Bláa her­inn. Hægt er að styrkja verk­efnið í gegn­um Aur-appið en síma­núm­erið er 788-9966.

„Við von­um að lands­menn styrki Bláa her­inn í gegn­um okk­ur. Hann hef­ur starfað við strands­hreins­un í 24 ár og það er gríðarlega þarft verk að halda hon­um gang­andi,” seg­ir Soffía.

Mar­glytt­urn­ar í sjó­sund­gall­an­um. Ljós­mynd/​Aðsend

Tengd­ar frétt­ir

Mar­glytt­ur synda yfir Ermar­sund

And­styggi­legt en samt svo gam­an

• Mar­glytt­un­um tókst ætl­un­ar­verkið
• Þyngra í Mar­glytt­um vegna veðurs og kulda
• Þurfa að synda í gegn­um stór­an olíuflekk
• Þóreyju flök­urt síðustu mín­út­urn­ar í sjón­um

» Fleiri tengd­ar frétt­ir

• Blogga um frétt