Hlógu að ummælum Ólafs
Setja bókamerki
Þorsteinn Víglundsson, þingmaður Viðreisnar, sagði eftir ræðu Ólafs Ísleifssonar, þingmann Miðflokksins, um þriðja orkupakkann í morgun að hún væri „framhald á sama samhengislausa bullinu og búið er að flytja í þessu máli frá upphafi”.
Hann sagði það hafa verið samdóma álit fræðimanna að hrekja hverja einustu fullyrðingu sem Miðflokkurinn hefur sett fram í málinu. Sagði hann ekkert í málinu framselja ráðstöfun Íslands yfir auðlindum sínum.
Sagði hann að allar aðrar fullyrðingar frá Miðflokknum væru „rakið bull”.
Þorsteinn bætti við að fordæmalaust væri að sjá heilan þingflokk halda úti „jafn öfgafullri, vitlausri og rangri umræðu sem er beinlínis ætlað að blekkja þjóðina í þessu máli”. Sagði hann málið þingflokknum til skammar.
Hlátur í þingsalnum
Ólafur sagðist í andsvari sínu hafa hætt að telja þegar Þorsteinn hefði verið búinn að nota orðið „bull” fimm sinnum í ræðunni. Sagði hann málflutning hans „ofsafenginn og öfgakenndan”.
„Það er varla að það taki því að eyða tími Alþingis í slíkt,” bætti hann við og uppskar mikinn hlátur í þingsalnum.
Feðgar saman í Grænlandstúr á jólum
Spá 13-18 stiga frosti í borginni
Ekkert ferðaveður og vegalokanir á jóladag
Hellisheiði og Þrengsli ekki opnuð í dag
Var að slitna frá bryggju sökum hvassviðris
Björgunarsveitir kallaðar út í nótt
Æskuvinir sem fóru í víninnflutning frá Georgíu
Í þögn hjartans