Íslendingar meðal mestu ruslþjóða

Alls féllu 656 kíló af rusli til frá hverjum Íslendingi árið 2017. Þetta þýðir að Íslendingar eru meðal mestu ruslara í Evrópu, aðeins þrjár þjóðir skila meira sorpi á hvern íbúa samkvæmt nýjustu tölum Eurostat.

Danir tróna á toppnum með 781 kíló af rusli á hvern íbúa, að því er fram kemur í umfjöllun um þetta mál í Morgunblaðinu í dag.

Sorp sem féll til jókst ár frá ári hér fram að efnahagshruninu 2008. Eftir nokkur neyslugrennri ár í kjölfarið hefur aukningin verið hröð undanfarið.