Sigmundur Davíð Gunnlaugsson, formaður Miðflokksins, var í stuttu viðtali í morgun á bresku fréttastöðinni Sky News. Þar sagðist formaðurinn sannfærður um að Bretlandi myndi farnast vel utan Evrópusambandsins, enda hefði það tekist í tilfelli Íslands þrátt fyrir bankahrunið.

Hann sagði velgengnina grundvallast á að utan Evrópusambandsins er þjóðinni mögulegt að taka ákvarðanir út frá sínum hagsmunum og út frá þeim áskorunum sem hún er að glíma við. „Ég er ekki í vafa um að ykkur takist að dafna betur en áður, en það er vissulega þannig að það geta orðið vandamál til skamms tíma […] og líklega margir sem munu vilja kenna útgöngu Bretlands um þá stöðu.“

Frétt af mbl.is

Hvetur Breta til EES-aðildar

Sigmundur endurtók síðan skilaboð sín til Breta sem hann birti nýverið í aðsendri grein í Spectator, þar sem hann hvetur Bretland til þess að ganga tímabundið í EES í þeim tilgangi að forðast skammtímavandann.

Spurður hvort hann væri að segja að Bretland gæti ekki tekist á við samningslaust Brexit, sagði Sigmundur það ekki vera hans skilaboð. Hins vegar væri hann að mæla með leið til þess forða Bretum frá fyrrnefndum skammtímavandamálum.

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• Blogga um frétt