Rekstrarumhverfi í fluginu verði breytt

Innanlandsflug sem ein af mikilvægustu almenningssamgöngum á Íslandi býr ekki við sama rekstrarumhverfi og aðrar almenningssamgöngur á borð við ferjur og strætisvagna.

Frétt af mbl.is

Áhyggjur af „óveðursskýjum“ í fluginu

Þetta kom fram á fundi umhverfis- og samgöngunefndar Alþingis í morgun, að sögn Vilhjálms Bjarnasonar, þingmanns Sjálfstæðisflokksins, sem situr í nefndinni og óskaði eftir fundinum.

Fulltrúar frá Erni og Air Iceland Connect ásamt fólki frá Isavia sat fundinn. Fram kom að erfitt sé fyrir rekstraraðila að halda uppi stöðugleika í greininni í miklu samkeppnisumhverfi, bæði hvað varðar fjölda flugferða og verð.

„Það var svolítið niðurstaðan á fundinum. Það þarf að búa innanlandsfluginu það umhverfi að það geti sinnt almenningssamgöngum en sé ekki faramáti í samkeppni við aðrar niðurgreiddar almenningssamgöngur.”

Vél flugfélagsins Ernir. Ljósmynd/Ernir

Hann bætir við að flugið sé eini raunhæfi kosturinn varðandi öflugar almenningssamgöngur fyrir þá sem búa langt burtu. Það sé bæði öruggast og best fyrir umhverfið. Bendir hann á að margoft hafi verið sýnt fram á að umhverfisvænna sé að fara með flugi heldur en að einn til tveir fari saman í hverjum bíl.

Frétt af mbl.is

Skoska leiðin strax á næsta ári

Hver eru næstu skref í málinu?

„Að fylgja eftir stefnu Alþingis í samgönguáætlun um að efla innanlandsflug með því að gera það að raunhæfum almenningssamgöngukosti.”

• Blogga um frétt