Rafmagnshleðsluturnar fyrir Vestmannaeyjaferjuna Herjólf eru nú komnir í Vestmannaeyjahöfn og Landeyjahöfn.
Framkvæmdastjóri Herjólfs segir að vonast sé til að uppsetningu þeirra ljúki í október eða nóvember og þá geti vélar skipsins gengið fyrir rafmagni á leiðinni milli Eyja og Landeyjahafnar.
Að sögn Guðbjarts Ellerts Jónssonar framkvæmdastjóra er miðað við að hægt verði að hlaða skipið í báðum höfnunum milli ferða, sem eru nú sjö á dag.