„Við erum ánægð með það að búið sé að klára málið og afgreiða,“ segir Þorgerður Katrín Gunnarsdóttir, þingmaður Viðreisnar, um þriðja orkupakka Evrópusambandsins sem samþykktur var á Alþingi fyrir hádegi í dag.

Frétt af mbl.is

Þriðji orkupakkinn samþykktur

„Mér hins vegar hugnast ekkert sérstaklega að ríkisstjórnin og ríkisstjórnarflokkarnir hafi gefið eftir að hluta til dagskrárvaldið yfir til Miðflokksins, bæði í vor, allt sumar og núna í haust. Mér finnst enginn bragur á því.“

Þorgerður Katrín segir málið mjög vel upplýst. „Það er búið að svara öllum eðlilegum efasemdum mjög gaumgæfilega.

Styrki Íslendinga sem sjálfstæða þjóð

Málið fer ekki gegn stjórnarskrá, það snertir ekki orkuauðlindir okkar, það snertir ekki sæstreng, heldur miklu frekar styrkir það íslenska stjórnsýslu og íslenskar stofnanir, en síðast en ekki síst okkur Íslendinga sem sjálfstæða þjóð sem tekur ákvörðun um að starfa með öðrum fullvalda þjóðum.“

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• Blogga um frétt