Flugi Icelandair til Orlando í Bandaríkjunum sem átti að fara frá Keflavíkurflugvelli síðdegis hefur verið aflýst. Það var gert á grundvelli upplýsinga um að flugvöllurinn í Orlando yrði lokaður í dag vegna fellibylsins Dorian sem herjaði á íbúa Bahamaeyja í gær og í nótt og færist nær ströndum Bandaríkjanna.
Ásdís Ýr Pétursdóttir upplýsingafulltrúi Icelandair segir flugfélagið hafa fengið upplýsingar á laugardag um að alþjóðaflugvöllurinn í Orlando yrði lokaður í dag og þá hafi strax verið tekin ákvörðun um að aflýsa fluginu og gera farþegum kleift að breyta ferðatilhögunum sínum.
„Svo reyndar í gærkvöldi fengum við þær upplýsingar að flugvöllurinn yrði opinn,“ segir Ásdís, sem segir ekki útlit fyrir að fellibylurinn muni hafa frekari áhrif á ferðir félagsins til og frá Orlando.
Í tilkynningu alþjóðaflugvallarins kemur fram að þar verði opið í dag, en starfsfólk flugvallarins muni halda áfram að fylgjast grannt með stefnu stormsins.
Hurricane #Dorian Statement - 9/1/19 Afternoon
— Orlando International Airport (@MCO) September 1, 2019
MCO remaining open Monday and continues to monitor Hurricane Dorian
The latest update will always be pinned to top of our page. Passengers: We ask that you please check with your airline for updates regarding your specific flight. pic.twitter.com/9k8hrp5Oec