Greidd verða atkvæði á Alþingi í dag um þingsályktunartillögu Guðlaugs Þórs Þórðarsonar utanríkisráðherra um samþykkt þriðja orkupakka Evrópusambandsins vegna aðildar Íslands að EES-samningnum með því að aflétta stjórnskipulegum fyrirvara vegna hans.

Þingfundur hefst klukkan 10:30 og stendur fram eftir degi, en fyrr í morgun afhentu forsvarsmenn samtakanna Orkan okkar Guðjóni S. Brjánssyni, fyrsta varaforseta Alþingis, 16.700 undirskriftir þar sem skorað er á þingheim að hafna þriðja orkupakkanum.

Fyrst verður tekið fyrir á þingfundinum þingsályktun Katrínar Jakobsdóttur forsætisráðherra um frestun þingfunda en síðan hefst atkvæðagreiðsla um þingsályktun utanríkisráðherra. Eftir hana verða önnur þingmál tengd orkupakkanum tekin til atkvæðagreiðslu.

Fylgjast má með beinni útsendingu frá þingfundi hér:

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Að hefnist þeim er svíkur sína huldumey