Hinsegin fánar í Guðrúnartúni
Setja bókamerki
„Við fundum bara hjá okkur þörf til að fagna fjölbreytileikanum í dag og vildum sýna það með því að flagga,“ segir Ægir Már Þórisson, forstjóri Advania. Fánum fyrirtækisins var skipt út fyrir hinseginfána við höfuðstöðvarnar í Guðrúnartúni í morgun.
Ægir Már vill ekki tjá sig sérstaklega um hvers vegna dagurinn í dag var valinn, en hægt er að geta sér til um að heimsókn Mikes Pence, varaforseta Bandaríkjanna, í Höfða síðar í dag sé tilefnið.
Efling stéttarfélag hefur einnig dregið hinseginfána að húni við sínar höfuðstöðvar í Guðrúnartúni.
Fjöldi félagasamtaka, þar á meðal Samtökin '78, hafa boðað til mótmæla vegna heimsóknar Pence, en hann er umdeildur vegna skoðana sinna, svo sem á friðar- og afvopnunarmálum, kvenfrelsismálum, málefnum hinseginfólks, á sviði umhverfisverndar og framkomu við flóttafólk.
Stóðu skógarþjófa að verki
Kristrún Frostadóttir verður forsætisráðherra
Helgi Magnús mætir til starfa í dag
Beint: Gengið á fund forseta
Barn lést í árásinni
Ók á hóp fólks á jólamarkaði: Einn látinn
„Börn heima sem maður myndi vilja hafa í skjóli“
Bein útsending: Ríkisstjórnarsamstarfið kynnt
