„Bæjarbúar eru mjög ánægðir. Þeir sem ekki komast í bakaríið á afgreiðslutíma fá þó nýtt brauð. Það er bara frábært að geta þjónustað þá eftir lokun,“ segir Eiríkur Helgason, eigandi bakarísins Nesbrauðs í Stykkishólmi.

Brauðklefi Nesbrauðs var formlega tekinn í notkun 1. september, en þar eru afgangar settir eftir lokun og viðskiptavinir geta þar afgreitt sig sjálfir.

Frétt af mbl.is

Rannsaka matarsóun heimila og fyrirtækja

„Við erum búin að prófa þetta í tvö ár, að setja brauð út í kössum og láta fólk afgreiða sig sjálft. Það er bara undantekning ef það skilar sér ekki allt sem við setjum út, ég man eftir einu dæmi á tveimur árum þar sem fólk hefur gleymt að borga.“

Hugmyndin er að sporna gegn matarsóun. „Afgangarnir okkar hafa nú farið ýmist í dvalarheimilið í Grundarfirði eða Stykkishólmi en þeir taka ekki endalaust við. Þá hefur þetta verið að fara í skepnur líka, við erum að reyna að henda sem minnstu.“

Allt á 500 krónur

Það var eiginkona Eiríks, Unnur María Rafnsdóttir, sem átti hugmyndina. „Hún fékk upp í hendurnar þennan símaklefa hjá vini sínum sem hafði hirt hann þegar átti að henda honum á sínum tíma. Hann hentar mjög vel í þetta.“

Allt brauð og bakkelsi í símaklefanum kostar 500 krónur og getur fólk bæði borgað með peningum og millifært. „Þetta er allt á sama verði, 500 krónur. Brauðin eru frá 620 og upp í 800, dýrustu súrdeigsbrauðin, en við settum bara 500 krónur á þetta allt og svo eru kannski fjögur, fimm vínarbrauð í poka og eitthvað svona svo fólk er að fá töluverðan afslátt.“

Tengdar fréttir

Umhverfisvitund

Heildarflatarmálið stækkar við endurskoðun

• Fanga losun frá stóriðju og nýta í eldsneyti
• BM Vallá og Kapp hlutu umhverfisverðlaun
• Carbfix hlýtur Nýsköpunarverðlaun Íslands
• Hætt við að Ísland nái ekki að uppfylla markmiðin

» Fleiri tengdar fréttir

• Blogga um frétt