Vill kanna möguleika á fríverslunarsamningi
Erla María Markúsdóttir
Setja bókamerki
Guðlaugur Þór Þórðarson utanríkisráðherra hóf viðskiptaþing íslensks og bandarísks viðskiptafólks með því að bjóða Mike Pence, varaforseta Bandaríkjanna, velkominn til landsins. „Þetta er sögulegur viðburður,“ sagði Guðlaugur Þór.
„Samband okkar á sér djúpar rætur, við höldum í heiðri sömu gildi; virðingu, frelsi, mannréttindi, lýðræði og frjálsan markað,“ sagði Guðlaugur Þór.
Guðlaugur sagði Íslendinga kunna að meta bandarískar vörur og að bandarískir ferðamenn væru fjölmennir hér á landi. Sagðist hann vilja halda áfram að byggja á traustum grunni sambandsins og styrkja viðskiptasambandið enn frekar, til að mynda með því að kanna nánar möguleika á fríverslunarsamningi milli Bandaríkjanna og Íslands.
Pence tók undir ávarp Guðlaugs og þakkaði enn og aftur fyrir hlýjar móttökur. Hann þakkaði traust viðskiptasamband og ekki síst traust öryggissamband og sagði rík tengsl þar á milli. Þá óskaði hann Íslendingum til hamingju með góðar horfur í efnahagsmálum og sagði að velgengnina hér mætti að einhverju leyti tengja við þann góðan árangur sem Donald Trump Bandaríkjaforseti hefði náð í embætti sínu sem forseti.
Þá vakti hann athygli á nauðsyn þess að styrkja öryggissamband Íslands og Bandaríkjanna enn frekar í ljósi aukins áhuga Rússa og Kínverja á norðurslóðum.
Var engin kristnitaka árið 1000?
„Börn heima sem maður myndi vilja hafa í skjóli“
„Þetta er ríkisstjórn almannahagsmuna“
Ók á hóp fólks á jólamarkaði: Einn látinn
Skattamál verði líklega „þeirra mesta klemma“
