Sakar Pence um „meinfýsinn rógburð“
Setja bókamerki
Sendiherra Kína á Íslandi sakar Mike Pence, varaforseta Bandaríkjanna, um „meinfýsinn rógburð“ og „falsfréttir“ vegna ummæla Pence um verkefnið Belti og braut sem kínversk stjórnvöld hafa unnið að á undanförnum árum.
Þetta kemur fram á fréttavef Ríkisútvarpsins, en þar vísar sendiherrann, Jin Zhijian, til þeirra ummæla Pence að Ísland hafi hafnað þátttöku í verkefni Kínastjórnar. Pence sagðist í gær þakklátur Íslendingum fyrir að hafna þátttöku og sagðist hafa rætt það fyrr um daginn við Guðlaug Þór Þórðarson utanríkisráðherra.
Guðlaugur Þór lýsti því yfir síðar um daginn í kjölfar ummæla Pence að orðalag varaforsetans hefði ekki verið alveg nákvæmt. Íslendingar hefðu ekki hafnað þátttöku en heldur ekki samþykkt hana.
Jin sagði í frétt Ríkisútvarpsins að íslenskir stjórnmálamenn væru þegar búnir að hrekja ummæli Pence og vísaði þar væntanlega til utanríkisráðherra.
Jimmy Carter er látinn
Snjóruðningur hófst um fjögur í nótt
Ekkert lát á árekstrum
Íslenskur læknir: „Hrikalegt að þetta sé hægt“
Stór skjálfti hratt af stað öflugri hrinu
„Við erum sátt“
Segir draug hafa ráðist á Ólaf Ragnar