Fimmta víddin opnast í Egilshöll

„Það eru svo magnaðir tímar fram undan,“ segir Snorri Ásmundsson, sem hefur tekið Egilshöll á leigu á morgun þar sem ævaforn heilari að nafni Hilaríon mun líkamnast í Snorra, sem fékk skilaboð þess efnis. Hann segir fimmtu víddina jafnframt opnast og að fólk muni kynnast Sana Ba Lana-jóga. 

mbl.is hitti Snorra í Egilshöll og fræddist um þennan merkilega viðburð sem hann boðar. Snorri er best þekktur sem myndlistarmaður en er nú einnig heilari og upphafsmaður að Sana Ba Lana-jóganu sem hann segir að hafi áður óþekktar og dýpri tengingar.

Viðburðurinn hefst kl. 16 á laugardag og verður fróðlegt að sjá hvort Hilaríon lætur sjá sig en Snorri segir hann eiga uppruna í týndu borginni Atlantis og hafi áður líkamnast í Páli postula.

• Blogga um frétt