Svandís Svavars­dótt­ir heil­brigðisráðherra lagði áherslu á að eng­inn flokk­ur á Alþingi hefði greitt at­kvæði gegn heil­brigðis­stefnu til árs­ins 2030 í ræðu sinni á Alþingi fyrr í kvöld. Flutti hún ræðu sína stuttu eft­ir að Þor­gerður Katrín Gunn­ars­dótt­ir, formaður Viðreisn­ar, gagn­rýndi Svandísi harðlega og störf henn­ar sem heil­brigðisráðherra. Sagði Þor­gerður í ræðu sinni um téða heil­brigðisáætl­un að hún hefði pakkað „öll­um stóru fyr­ir­heit­un­um“ snyrti­lega inn, sett í kassa og bundið fyr­ir með silk­is­laufu. 

Frétt af mbl.is

„Biðlist­ar á biðlista ofan“

Sagði Svandís um heil­brigðis­stefn­una: „Í stefn­unni fjöll­um við um for­ystu, mönn­un, rétta þjón­ustu á rétt­um stað, áskor­an­ir framtíðar, ábyrg þjón­ustu­kaup, gæði og ör­yggi, þátt­töku og virka not­end­ur. Ég hef þegar farið með fólki úr mínu ráðuneyti í öll heil­brigðisum­dæmi lands­ins, kynnt stefn­una og rætt hana við heil­brigðis­starfs­fólk, stjórn­end­ur, sveit­ar­stjórn­ar­fólk og aðra íbúa. Inn­leiðing er á fullri ferð og stefn­unni hef­ur hvarvetna verið vel tekið.“

Þá sagði hún að þrátt fyr­ir að hér á landi nyt­um við heil­brigðisþjón­ustu í fremstu röð þyrfti að gera bet­ur, fella kerf­is­múra, ræða sam­an og tryggja að sam­fé­lagið stæði und­ir nafni sem fé­lag „sem við eig­um sam­an“.

Tengd­ar frétt­ir

Stefnuræða for­sæt­is­ráðherra 2019

„Við búum í ábyrgðarlausu sam­fé­lagi“

• Öll póli­tík verði hugsuð út frá lofts­lags­mál­um
• „Öll erum við nátt­úru­vernd­arsinn­ar“
• Land­spít­ala aldrei til­kynnt um ætl­un ráðherra
• „Er eitt­hvað til ráða?“

» Fleiri tengd­ar frétt­ir

• Blogga um frétt