Katrín Jakobsdóttir forsætisráðherra hefur falið settum ríkislögmanni, Andra Árnasyni, að taka afstöðu til máls Erlu Bolladóttur, sem sakfelld var fyrir meinsæri í Guðmundar- og Geirfinnsmálinu.

Erla greindi frá því fyrir þremur vikum að hún hygðist stefna íslenska ríkinu vegna höfnunar endurupptökunefndar á beiðni hennar um að taka upp dóm hennar í málinu. Hinir fimm sakborningarnir í málinu fengu mál sín tekin upp og voru í fyrra sýknaðir af sakfellingu fyrir manndráp.

Samkvæmt upplýsingum Morgunblaðsins frá forsætisráðuneytinu átti Andri nýverið fund með lögmanni Erlu þar sem farið var yfir þau sjónarmið sem fram hafa komið í málinu. Ráðgert er að niðurstaða muni liggja fyrir innan tíðar.

Tengdar fréttir

Guðmundar- og Geirfinnsmál

Telur sig vita hvað gerðist

• „Fyrsta varðan í áttina að afbrotafræðinni“
• Nýju ljósi varpað á Guðmundar- og Geirfinnsmál
• Ríkið þarf að greiða Alberti 26 milljónir
• „Þetta er auðvitað algjörlega galið“

» Fleiri tengdar fréttir