Vilja að jarðakaup verði leyfisskyld
Setja bókamerki
Eitt af málum þingflokks Framsóknar á þessu þingi er þingsályktun um aðgerðaráætlun í jarðamálum. Í ályktuninni er lagt til að ríkisstjórnin hrindi í framkvæmd aðgerðaráætlun í sjö liðum, til að styrkja lagaumgjörð og reglur um ráðstöfun og nýtingu auðlinda á landi, ásamt aðgerðum til að styrkja grundvöll til eftirfylgni slíkra reglna, eins og segir í tillögunni.
Markmiðið er að tryggja eignarhald landsmanna á jörðum á Íslandi og skapa þannig tækifæri til heilsársbúsetu í dreifbýli og fjölbreyttrar sjálfbærrar landnýtingar og matvælaframleiðslu í landinu.
Fram kemur í tillögunni að lögfestar verði reglur um að skilgreind tengsl við Ísland séu forsenda fyrir eignarhaldi á jörðum hér á landi og um takmarkanir á fjölda jarðeigna í eigu sama aðila.
Líneik Anna Sævarsdóttir er fyrsti flutningsmaður tillögunnar og meðflutningsmenn eru Halla Signý Kristjánsdóttir, Silja Dögg Gunnarsdóttir, Willum Þór Þórsson og Þórarinn Ingi Pétursson.
Nánar má lesa um tillöguna hér.
Var engin kristnitaka árið 1000?
Alvarleg netárás á Wise
„Börn heima sem maður myndi vilja hafa í skjóli“
Skattamál verði líklega „þeirra mesta klemma“
Samfylking og Viðreisn gáfu loforð
Ók á hóp fólks á jólamarkaði: Einn látinn
Bjarni: „Útilokað að þetta geti gengið upp“
