Bráðaþjónusta kvennadeilda verður sameinuð 1. október 2019 og frá þeim tíma staðsett á göngudeild mæðraverndar og fósturgreiningar, 22B. Markmið samræmingar og flutnings þjónustunnar er að auka öryggi sjúklinga og draga úr álagi á legudeildum kvennadeilda á þeim tíma sem mest álag er vegna bráðaþjónustu.

Þetta kemur fram á vef Landspítalans.

Þar segir ennfremur, að bráðaþjónustu á kvennadeildum Landspítala hafi til þessa verið sinnt utan dagvinnutíma á þremur stöðum í kvennadeildarbyggingunni, þ.e. á kvenlækningadeild, meðgöngu- og sængurlegudeild og fæðingarvakt.

„Árið 2016 var álag í fæðingarþjónustu og kvenlækningum kortlagt. Í ljós kom að mikið álag var á legudeildum vegna bráðaþjónustu. Fyrsta skrefið í breytingum á bráðaþjónustu var samræmd símsvörun fyrir allar deildir kvennadeildarinnar. Forprófun var gerð í janúar 2018 sem gaf tilefni til að ætla að með þessum hætti væri hægt að efla öryggi sjúklinga, bæta þjónustu og draga verulega úr áreiti á starfsfólk kvennadeilda. Símsvörun og símaráðgjöf sem veitt er af reyndri ljósmóður fór formlega af stað 1. október 2018. Í framhaldinu var hafinn undirbúningur að því að veita alla bráðaþjónustu á einum stað í húsi kvennadeilda á þeim tíma þegar álagið er mest,“ segir í tilkynningunni.

Tengdar fréttir

Niðurskurður á Landspítala

800 milljóna halli Landspítala

• Hætta á mistökum í miklu álagi
• Hugur forstjóra LSH hjá aðstandendum
• Bráðalausn á vanda bráðamóttöku ekki til
• Fjársvelt heilbrigðiskerfi pólitísk ákvörðun

» Fleiri tengdar fréttir

• Blogga um frétt