Samkomulagið ekki kynnt minnihlutanum
Setja bókamerki
„Borgarstjóri sá ekki ástæðu til að kynna þetta fyrir þeim fjórum flokkum sem eru í minnihluta. Ekki einu sinni á lokuðum trúnaðarfundi borgarráðs nú í morgun. Fimmtán ára plan án samráðs við helming borgarfulltrúa kann ekki góðri lukku að stýra.“
Þetta segir Eyþór Arnalds, oddviti Sjálfstæðisflokksins í borgarstjórn Reykjavíkur, á facebook-síðu sinni í dag vegna samkomulags sem til stendur að undirrita síðar í dag um samgöngur á höfuðborgarsvæðinu á milli ríkisstjórnarinnar og sveitarfélaganna á svæðinu.
„Samkomulagið hefur tekið talsverðum breytingum og undirritun frestast vegna ósamkomulags um gjaldtöku og önnur atriði. Niðurstaðan er sú að fjármögnun með gjaldtöku er óútfærð og fer sú heita kartafla í fangið á Alþingi,“ segir Eyþór.
„Það er löngu tímabært að samgöngufé skili sér til Reykjavíkur. Aðeins um 20% hafa skilað sér á höfuðborgarsvæðið á síðustu árum enda samningur um framkvæmdastopp frá 2012. Hér búa yfir 60% landsmanna. Sjálfskipað svelti í samgöngumálum í áratug í boði borgarstjóra er farið að íþyngja landsmönnum öllum.“
„Við vöknuðum við hljóð frá sprengingum“
Létu lofthræðsluna ekki á sig fá
Koma fyrstu tölur á sunnudagskvöldið?
Börnin eiga að ýta við foreldrum sínum
Formaðurinn útilokar ekki undirritun í kvöld
Rannsókn á menningarnæturmáli lokið
Fæðuöryggi: „Áttum mat í þrjár vikur“