Embætti landlæknis flytur á 6. hæð Höfðatorgs í Katrínartúni í nóvember. Embættið og Reginn  fasteignafélag hafa skrifað undir leigusamning þess efnis en Ríkiskaup auglýsti eftir framtíðarhúsnæði fyrir embættið í apríl síðastliðnum. Húsnæðið á Höfðatorgi er 1500 fermetrar og þótti henta vel undir starfsemina, en hjá embættinu starfa hátt í 80 starfsmenn. 

Embætti land­lækn­is flutti starf­semi sína frá Heilsu­vernd­ar­stöðinni á Baróns­stíg á Rauðar­ár­stíg 10 í apríl síðastliðnum. Um var að ræða tíma­bundið hús­næði fyr­ir starf­sem­ina en mygla í hús­næði embætt­is­ins á Baróns­stíg er ástæða flutn­ing­anna. Ágrein­ing­ur er milli land­læknisembætt­is­ins og eig­anda húss­ins um or­sak­ir mygl­unn­ar. 

Frétt af mbl.is

Embætti landlæknis flýr mygluna

Reginn fasteignafélag festi kaup á Höfðatorgi á síðasta ári og hefur að undanförnu undirbúið umbreytingu á turninum og leigurýmum sem þar eru. „Það má segja að samningur okkar við Embætti landlæknis marki upphafið að umbreytingarferli Höfðatorgs en við erum að fylla húsið af lífi með sterkum rekstraraðilum og ætlum okkur að auka við þjónustu í húsinu með öflugri tengingu við fyrstu og aðra hæðina þar sem veitingar og þjónusta á að geta þrifist,“ er haft eftir Helga S. Gunnarssyni forstjóri Regins, í tilkynningu. 

Næsti stóri leigutaki sem mun flytja á Höfðatorg er Kvika sem stefnir á að hefja starfsemi í húsinu á svipuðum tíma og Landlæknir.

Tengdar fréttir

Mygla í húsnæði

Ekkert skilið eftir nema útveggirnir

• Stefndi skólanum vegna vinnuumhverfis
• Tölvupóstarnir fóru „í svarthol“ í Borgartúni
• Myglan hefur áhrif á verð og sölu
• Landsvirkjun selur höfuðstöðvarnar

» Fleiri tengdar fréttir

• Blogga um frétt