Seinni Boeing 737 MAX-8 farþegaþotan, sem fljúga á ferjuflugi til Spánar í dag, er ekki enn farin í loftið. 

Fyrri þotan, Mývatn, fór í loftið rétt eftir klukkan níu og til stóð að sú seinni, Búlandstindur, færi í loftið um stundarfjórðungi síðar. 

Frétt af mbl.is

Mývatn lögð af stað til Spánar

Samkvæmt upplýsingum frá Ásdísi Ýr Pétursdóttur, upplýsingafulltrúa Icelandair, komu upp smávægileg tæknileg vandamál. Verið er að yfirfara vélina og segir Ásdís að verið sé að fylgja öllum öryggisstöðlum. 

Þá verður það að teljast eðlilegt að tæknivandamál geti komið upp þar sem þotan hefur staðið hreyfingarlaus í um sjö mánuði, eða frá því allar 737 MAX-þotur voru kyrrsettar í kjölfar tveggja mannskæðra flugslysa.

Ásdís gat ekki sagt til um hversu mikil töfin verður. 

Uppfært klukkan 14:25

Brottför Búlandstinds tafðist um tæpar þrjár klukkustundir en þotan fór á loft skömmu fyrir hádegi. 

Allt gekk samkvæmt áætlun í flugtaki fyrri MAX-þotunnar en sú seinni er enn í Keflavík. mbl.is/Hari

Tengdar fréttir

Sviptivindar í flugrekstri

Bláfugl sagt hafa skilað flugrekstarleyfi

• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu

» Fleiri tengdar fréttir

• Blogga um frétt