Skanna inn þúsundir ljósmynda á dag

Fyrirtækið IMS ehf., sem sérhæfir sig í að varðveita og selja sögulegar myndir, hefur til þessa skannað inn um tvær milljónir mynda í Reykjavík og er stór hluti þeirra kominn í sölu.

Fyrirtækið hefur þegar afgreitt um eina milljón mynda frá Daily Telegraph í Bretlandi.

„Við erum núna með samninga við Independent og Svenska Dagbladet í Svíþjóð og fleiri viðræður eru í gangi. Síðan erum við búnir að opna skrifstofu í Ríga í Lettlandi og ráða þar um átta til tíu manns. Þar erum við að vinna í því að koma upp miklu öflugri skönnum,“ segir Arnaldur Gauti Johnson, framkvæmdastjóri fyrirtækisins, í umfjöllun um starfsemi þessa í Morgunblaðinu í dag.