Látinn laus þrátt fyrir ásökun um alvarlega líkamsárás

Tvítugur karlmaður sem handtekinn var aðfaranótt laugardags vegna gruns um alvarlega líkamsárás í nánu sambandi hefur verið sleppt úr haldi. Gæsluvarðhald yfir manninum rann út í dag. 

Frétt af mbl.is

Í haldi vegna alvarlegs heimilisofbeldis

Héraðsdómur Reykjavíkur hafnaði í dag kröfu Lögreglunnar á höfuðborgarsvæðinu um áframhaldandi gæsluvarðhald á grundvelli almannahagsmuna yfir manninum. Úrskurðuinn hefur verið kærður til Landsréttar. 

Lögregla hafði tekið ákvörðun um að karlmanninum yrði gert að sæta sex mánaða nálgunarbanni gagnvart brotaþola, að því er segir í tilkynningu. Rann­sókn­ar­deild lög­regl­unn­ar var með málið til meðferðar og var það jafn­vel rann­sakað sem til­raun til mann­dráps. 

Maðurinn var handtekinn á vettvangi miðsvæðis í borginni um síðustu helgi og í kjölfarið úrskurðaður í sex daga gæsluvarðhald á grundvelli rannsóknarhagsmuna. 

• Blogga um frétt