Aukinn gróður samhliða fjölgun sela

Nokkuð er um að útselir kæpi á norðurodda Surtseyjar, en þeir voru þó talsvert færri í leiðangri sem farinn var fyrr í mánuðinum heldur en var haustið 2017. Fjöldinn nú var í takt við aðrar selatalningar í eyjunni.

Tilgangur leiðangursins nú var einkum að fá yfirlit um dreifingu og fjölda selkópa í látrinu, sem er á norðurtanga eyjarinnar, m.a. til að kanna hvort selirnir hafi átt þátt í gróðurframvindu á tanganum undanfarin ár.

Þar hefur gróður aukist mjög á sama tíma og selum hefur fjölgað. Það er hliðstæða við mávabyggðina sem hefur gróið upp sunnar á eynni, að því er fram kemur í Morgunblaðinu í dag.