Rýma heimili í Njarðvík vegna sprengiefnis

Lögreglan á Suðurnesjum mun grípa til rýmingaraðgerða í Njarðvík klukkan fjögur í dag vegna gamals sprengiefnis sem fannst í gámi á iðnaðarsvæði í námunda við íbúðahverfi. Í tilkynningu frá lögreglu segir að gripið sé til aðgerðanna til að tryggja öryggi íbúa.

Íbúar við Bakkastíg 10, 12, 12a og 12b, og Þórustíg 9-13, 15-18, og 20-28 eru beðnir um að yfirgefa heimili sín fyrir klukkan 16 í dag. Þá eru aðrir íbúar í innan við 400 metra fjarlægð frá svæðinu beðnir um að halda sig innandyra þar til frekari fyrirmæli berast frá lögreglu. Á það við um íbúa þess svæðis sem afmarkast af Njarðarbraut, Krossmóum og Borgarvegi.

Kort af innri og ytri lokun rýmingarsvæðisins.

• Blogga um frétt