Landhelgisgæslan hefur haft samband við Airbus
Setja bókamerki
Landhelgisgæslan fylgist grannt með framvindu rannsóknar á tildrögum þyrluslyss sem varð í Suður-Kóreu sl. fimmtudag þegar þyrla af gerðinni Airbus H225 Super Puma fórst. Landhelgisgæslan hefur kallað eftir upplýsingum frá framleiðandanum Airbus og bíður svara.
Þetta staðfestir Ásgeir Erlendsson, upplýsingafulltrúi Landhelgisgæslunnar, í samtali við mbl.is. Spurður hvort að Landhelgisgæslan sé að undirbúa ráðstafanir vegna málsins segir Ásgeir að ekkert sem hafi komið fram í málinu kalli á aðgerðir eða ráðstafanir af hálfu Landhelgisgæslunnar.
Þyrlan sem hrapaði í Suður-Kóreu, með þeim afleiðingum að sjö manns létu lífið, er að sömu tegund og þyrlan sem fórst í Noregi fyrir rúmlega þremur árum síðan. Leiguþyrlur Landhelgisgæslunnar TF-EIR og TF-GRO eru sömu tegundar.
Þrettán létust þegar H225 þyrla hrapaði við Tyrøy í Hörðalandi í Noregi í júlí 2016 og voru allar þyrlur af gerðinni H225 kyrrsettar tímabundið á heimsvísu. Rannsóknarnefnd flugslysa í Noregi sagði í lokaskýrslu sinni um málið að málmtæring í gírkassa hefði valdið slysinu og að ekki hafi verið um mannleg mistök að ræða. Í framhaldinu voru gírkassar H225 þyrlnanna endurhannaðir.
Fréttin var uppfærð klukkan 11:25.
Taka upp grímuskyldu á Landspítalanum
„Við munum grípa inn í“
Í vinnunni á aðfangadagskvöldi í 25 ár
Sex fluttir með þyrlunni og þar af eitt barn
Í þögn hjartans
Æskuvinir sem fóru í víninnflutning frá Georgíu
/frimg/1/53/82/1538213.jpg)
„Hálendið eiga menn að skoða“
Fuglager í Grindavík: „Þetta var bara pínu magnað“