Kínverskar „glansmyndir“ fjarlægðar
Setja bókamerki
Veggspjöld sem sögð eru eiga að fagna 70 ára afmæli kínverska alþýðulýðveldisins og kínverskri menningu hafa verið tekin niður af veggjum Háskólatorgs í Háskóla Íslands. Nemendur kvörtuðu yfir þeim og sögðu spjöldin draga upp villandi glansmynd af Kína.
Nemandi við Háskóla Íslands sagði að þarna væri meðal annars verið að tala um hinn frábæra Maó og verið að draga upp jákvæða mynd af ríki sem safni múslimum saman í vinnubúðir og beiti mótmælendur í Hong Kong harðræði.
Jóna Þórey Pétursdóttir, forseti Stúdentaráðs HÍ, staðfestir við mbl.is að nemendur hafi kvartað vegna veggspjaldanna bæði við Stúdentaráð og rektor og því hafi veggspjöldin verið fjarlægð.
Konfúsíusarstofnunin Norðurljós fékk leyfi til að setja sýninguna umdeildu upp á Háskólatorgi en tilgangur stofnunarinnar er sagður vera að stuðla að aukinni fræðslu meðal Íslendinga um tungu, menningu og samfélag Kína, að því er fram kemur á vef samtakanna.
Evrópumál voru ekki til umræðu
Gosmengun berst til norðurs og norðvesturs
Esja lendir á Keflavíkurflugvelli
„Við bara reynum að þrýsta þessu fram“
„Höfum ákveðið að hefja viðræður“
Halla og Kristrún funda á Bessastöðum í dag
Fljúga með dróna yfir Ölfusá í dag
