Spice fannst í rafrettum unglinga

Lögreglan á höfuðborgarsvæðinu hafði á dögunum afskipti af unglingum og fannst í rafrettum sem þeir voru með þeim svokallað Spice, efni sem telst til nýmyndaðra kannabínóíða. Þetta kemur fram í tilkynningu frá lögreglunni.

Frétt af mbl.is

Óeðlilegt að tala um tískudóp

„Þetta er mikið áhyggjuefni og því vill Lögreglan á höfuðborgarsvæðinu vekja athygli á málinu og hvetja forráðamenn barna og unglinga til að vera á varðbergi. Efnið er nánast lyktarlaust, en á meðal skammtímaáhrifa þess eru mikil gleði og ánægja. Aukinn hjartsláttur, hár blóðþrýstingur, ofskynjanir, ofsóknaræði, kvíðaköst og árásargirni eru hins vegar á meðal alvarlega aukaverkana af notkun efnisins.“

Frétt af mbl.is

Fundu LSD og spice á Litla-Hrauni

Full ástæða sé til að hafa áhyggjur af þessari þróun mála, en notkun efnisins sé mikið vandamál víða annars staðar. Hegðun unglinganna vakti athygli lögreglumanna og var lagt hald á rafrettur þeirra. Veipvökinn úr þeim var í kjölfarið rannsakaður á rannsóknarstofu Háskóla Íslands í lyfja- og eiturefnafræði og reyndist hann innhalda Spice auk nikótíns. Málið er unnið í samráði við barnaverndaryfirvöld.

Frétt af mbl.is

Löglegt en banvænt

• Blogga um frétt