Hljóðlátari vinnutæki við stækkun Gamla-Garðs

Framkvæmdir eru að hefjast vegna stækkunar Gamla-Garðs. Við stúdentagarðinn bætast tvær þriggja hæða viðbyggingar með tengigangi og kjallara. Gert er ráð fyrir að framkvæmdunum ljúki haustið 2021.

Frétt af mbl.is

Byggt verður við Gamla Garð

Alls verða 69 herbergi í nýju viðbyggingunum með sér baðherbergi, sameiginlegu eldhúsi, setustofum, samkomurými, geymslum og þvottaaðstöðu, að því er segir á vefsíðu Háskóla Íslands.

Við hönnun hússins var lögð áhersla á að það félli vel að nærliggjandi byggingum Háskóla Íslands, Gamla-Garði, Þjóðminjasafni og götumynd við Hringbraut.

Valdi sem minnstu ónæði 

Framkvæmdirnar munu hafa áhrif á aðkomu að háskólasvæðinu og bílastæðamál. Reynt verður eftir fremsta megni að haga framkvæmdum þannig að þær valdi sem minnstu ónæði fyrir stúdenta, starfsmenn og gesti á háskólasvæðinu.

Til verksins hafa verið valin hljóðlátari vinnutæki en almennt gerist. Reikna má með að jarðvinnu, uppsteypu og lóðavinnu fylgi mest rask en öll vinna mun fara fram á virkum dögum á milli klukkan 8 og 18.

• Blogga um frétt