Áslaug Arna Sigurbjörnsdóttir dómsmálaráðherra hefur boðað til blaðamannafundar í Ráðherrabústaðnum við Tjarnargötu, en þar ætlar ráðherra að fjalla um málefni lögreglu, samkvæmt því sem fram kemur í fundarboði frá ráðuneytinu.

Að undanförnu hefur verið unnið að breytingum á skipulagi löggæslumála innan dómsmálaráðuneytisins og sagði Áslaug Arna í samtali við mbl.is fyrir um það bil mánuði síðan að það kæmi til greina að sameina embætti ríkislögreglustjóra og lögregluembætti höfuðborgarsvæðisins og Suðurnesja, auk þess sem stofnun sérstakrar landamæradeildar lögreglu hefur verið í umræðunni, án þess að nokkrar ákvarðanir hafi verið kynntar.

Frétt af mbl.is

Ríkislögreglustjóri sameinist lögregluembættum

Mögulega mun dómsmálaráðherra kynna slíkar breytingar á skipulagi löggæslumála á blaðamannafundinum í dag, en fram kom í síðustu skýrslu GRECO, ríkjahóps gegn spillingu innan Evrópuráðsins, að rétt væri að taka skipulag lögreglunnar á Íslandi til endurskoðunar.

Mikil ólga var innan lögreglunnar í haust, ekki síst vegna viðtals við Harald Johannessen ríkislögreglustjóra sem birtist á síðum Morgunblaðsins, sem kom í framhaldi af gagnrýni lögregluembætta á rekstur bílamiðstöðvar ríkislögreglustjóra.

Frétt af mbl.is

Yfirbygging lögreglunnar alltof mikil

Í kjölfarið lýstu átta af níu lögreglustjórum landsins yfir vantrausti á ríkislögreglustjóra og togstreitan á æðstu stöðum innan lögreglunnar var ljóslega mikil.

Tengdar fréttir

Deilur innan lögreglunnar

Staðfestir launasamninga yfirlögregluþjóna

• Yfirlögregluþjónamál til Hæstaréttar
• Ömurlegt að standa í svona
• Yfirlögregluþjónar lögðu Sigríði aftur í launamáli
• Áfrýja dómi í launamáli yfirlögregluþjóna

» Fleiri tengdar fréttir

• Blogga um frétt