Í beinni: Niðurstöður PISA kynntar
Setja bókamerki
Niðurstöður PISA-könnunarinnar 2018 verða kynntar á opnum fundi í Háskóla Íslands klukkan 14:30. Menntavísindasvið Háskóla Íslands og Menntamálastofnun standa að fundinum og hægt er að fylgjast með honum í beinni útsendingu hér.
Á fundinum munu sérfræðingar kynna niðurstöður, greina þær og ræða þann lærdóm sem draga má af niðurstöðum, auk þess sem ráðherra mennta- og menningarmála ávarpar fundinn.
Niðurstöðurnar voru birtar í morgun og þar kemur meðal annars fram að rúmlega þriðjungur íslenskra drengja nær ekki grunnhæfniviðmiðum lesskilnings og samantekið er frammistaða í lesskilningi á Íslandi mun lakari en á öðrum Norðurlöndum og áfram nokkuð undir meðaltalinu í löndum OECD.
Dagskrá kynningarfundarins er svohljóðandi:
- Setning: Arnór Guðmundsson, forstjóri Menntamálastofnunar
- Niðurstöður PISA 2018: Guðmundur Bjarki Þorgrímsson sérfræðingur, Menntamálastofnun
- Staða og þróun lesskilnings í niðurstöðum PISA: Sigríður Ólafsdóttir lektor og Baldur Sigurðsson dósent, menntavísindasviði Háskóla Íslands
- Rýnt í niðurstöður PISA um stærðfræðilæsi á Íslandi: Freyja Hreinsdóttir dósent, menntavísindasviði Háskóla Íslands
- Greining niðurstaðna á stöðu læsis á náttúrfræði Auður Pálsdóttir lektor, menntavísindasviði Háskóla Íslands
- Samantekt og viðbrögð: Anna Kristín Sigurðardóttir prófessor, menntavísindasviði Háskóla Íslands
- Ávarp: Lilja D. Alfreðsdóttir, mennta- og menningarmálaráðherra
- Umræða: Fundarstjóri: Kolbrún Þorbjörg Pálsdóttir, forseti menntavísindasviðs Háskóla Íslands
Vakin er athygli á að á vorönn 2020 munu menntavísindasvið Háskóla Íslands og Menntamálastofnun standa fyrir röð málstofa þar sem fjallað verður nánar um niðurstöður PISA-rannsóknarinnar á einstökum sviðum.
Feðgar saman í Grænlandstúr á jólum
„Á allt sitt undir því að njóta trausts almennings“
Leiðindaveður yfir jólahátíðina
Fundaði með starfsfólki í fjóra tíma í gær
Í vinnunni á aðfangadagskvöldi í 25 ár
Strandveiðar „efnahagsleg sóun“
Strandveiðar í forgangi
Tilfellum RS-veiru fjölgar verulega