Kjartan verður ríkislögreglustjóri tímabundið
Setja bókamerki
Kjartan Þorkelsson, lögreglustjóri á Suðurlandi, verður skipaður ríkislögreglustjóri til bráðabirgða er Haraldur Johannessen hættir störfum um áramót. Frá þessu greindi Áslaug Arna Sigurbjörnsdóttir dómsmálaráðherra á blaðamannafundi.
Greint var frá því skömmu fyrir hádegi að Haraldur Johannessen myndi hætta störfum um áramót. Áslaug Arna sagði starfslok hans vera í góðri sátt, en bæði hún og hann hefðu komist að þeirri niðurstöðu að kominn væri tími til þess fá nýjan mann í embættið. Staðan verður auglýst fljótlega og sagðist Áslaug vonast til þess að fá öflugar umsóknir, en þar til yrði embættið í öruggum höndum Kjartans, sem hefur þegar tjáð ráðherra að hann hyggist ekki sækjast eftir starfinu til frambúðar.
Áslaug Arna kynnti engar sameiningar á lögregluembættum á fundinum, en kynnti aukið samráð á milli lögregluembætta landsins og ríkislögreglustjóra. Sérstakt lögregluráð tekur til starfa í upphafi nýs árs og mun það funda mánaðarlega. Í því munu allir lögreglustjórar landsins sitja, auk ríkislögreglustjóra.
Beint: Ný ríkisstjórn tekin við völdum
„Tímabil aukinnar eldvirkni“
Var engin kristnitaka árið 1000?
„Mér finnst gamla Samfylkingin komin aftur“
Bjarni afhenti Kristrúnu lyklana
Skattamál verði líklega „þeirra mesta klemma“
