Ekki vegna fortíðarvanda póstsins

Ekki eru tengsl á milli nýs gjalds sem Íslandspóstur leggur á póstsendingar frá útlöndum og fortíðarvanda í samkeppnisrekstri fyrirtækisins.

Þetta fullyrðir forstjórinn Birgir Jónsson, sem vísar á bug málflutningi Neytendasamtakanna um forsendur svokallaðs endastöðvagjalds.

Í umfjöllun um mál þetta í Morgunblaðinu í dag segir hann rangt að ekki séu fyrir hendi upplýsingar um kostnaðinn sem liggi gjaldinu til grundvallar.