7,5 milljóna tjón í Straumsvík
Setja bókamerki
Gróft kostnaðarmat vegna viðgerða á grjótgarði og landfyllingum við Austurbakka í Straumsvík vegna óveðursins sem gekk yfir landið nemur 7,5 milljónum króna.
Þetta kemur fram í greinargerð verkfræðistofunnar Strendings um áætlað tjón sem var kynnt á fundi hafnarstjórnar Hafnarfjarðarbæjar í gær.
Að beiðni Lúðvíks Geirssonar hjá Hafnarfjarðarhöfn voru skemmdir skoðaðar við suðurenda bryggjunnar þar sem farmskip landa í Straumsvík.
Um tíu metra langt gap kom á varnargarðinn sem hlífði stálþilsgafli hafnarbakkans. Aldan gróf sig um 15 metra inn í gegnum grjótvörn og skolaði burtu grjótvörn og fyllingarefni.
Talið er að um 150 rúmmetrar af grjótvörn og um 300 rúmmetrar af fyllingarefni hafi skolast burt. Samkvæmt veðurmælingum í Straumsvík var vindhraði í kviðum um og yfir 30m/s í um tólf klukkustundir.
Ástæða skemmda er líklega sú að með miklum vindi og ölduhæð í langan tíma hefur vindstefna og öldustefna vísað beint á kverk milli grjótvarnar og stálþils.
Fyrsti blaðamannafundurinn í heild sinni
/frimg/1/53/78/1537870.jpg)
Í kaffi með Vigdísi
Var engin kristnitaka árið 1000?
„Börn heima sem maður myndi vilja hafa í skjóli“
Beint: Ný ríkisstjórn tekin við völdum
Telur sér ekki heimilt að úthluta Helga verkefni
Samfylking og Viðreisn gáfu loforð