Fjárfestar hafa keypt að minnsta kosti 17 einbýlishús á svæðinu í kringum Kópavogsskóla.

Þar af hafa þeir keypt 8 einbýlishúsalóðir við Skólatröð og Álftröð en reiturinn er mitt á milli Kópavogsskóla og Menntaskólans í Kópavogi. Á reitnum verður heimilt að byggja allt að 180 íbúðir.

Ármann Kr. Ólafsson, bæjarstjóri Kópavogs, segir uppkaupin á viðkomandi reit hafa hafist fyrir þremur til fjórum árum.

„Nú er þetta komið í ferli. Málið er búið að fá forkynningu og er á leið í auglýsingu. Viðkomandi sendi inn erindi í skipulagsráð að lausn fyrir blettinn sem er að mörgu leyti mjög vel útfærð og tekur að einhverju marki tillit til byggðar sem fyrir er,“ segir Ármann í umfjöllun um þessi áform í Morgunblaðinu í dag.

Tengdar fréttir

Húsnæðismarkaðurinn

Blanda íbúða, þjónustu og verslana

• Nýjar íbúðir eru lengur að seljast
• Búseta skortir byggingarlóðir
• Horfa út fyrir Reykjavík vegna bílstæðaskorts
• „Það er verið að byggja rangar íbúðir“

» Fleiri tengdar fréttir