Rússneskir og kínverskir ferðamenn í bílunum

Kínverskir og rússneskir ferðamenn voru í rútunni og jeppanum sem skullu saman skammt norðan við Geysi um klukkan fjögur í dag. Þrir voru fluttir með þyrlu Landhelgisgæslunnar og hinir 10 fóru á bráðamóttöku Heilbrigðisstofnunar Suðurlands á Selfossi. Mildi að þetta fór ekki verr. Þetta staðfestir Oddur Árnason, yfirlögregluþjónn hjá lögreglunni á Suðurlandi.

Frétt af mbl.is

Þrír fóru með þyrlunni

Þrír farþegar, einn kínverskur og tveir rússneskir, voru fluttir með þyrlu Landhelgisgæslunnar til Reykjavíkur, en þeir eru að sögn ekki taldir alvarlega slasaðir. Þyrlan lenti við Borgarspítalann í Fossvogi klukkan 17:50. Upphaflega stóð til að senda fjórða farþegann einnig til aðhlynningar í borginni, en ekki reyndist þörf á því.

Alls voru þrettán í bílunum tveimur, og voru þeir, sem ekki voru fluttir til Reykjavíkur, færðir til aðhlynningar á bráðamóttöku Heilbrigðisstofnunar Suðurlands á Selfossi.

Mikil hálka er á svæðinu og hvetur lögreglan vegfarendur að fara varlega sem og að taka tillit til starfa lögreglunnar sem rannsakar svæðið. 

• Blogga um frétt