Tilraunir til margvíslegra fjársvika á netinu sem beindust gegn viðskiptavinum Landsbankans voru 76% fleiri í fyrra en árið 2018, að sögn Hermanns Þórs Snorrasonar, sérfræðings á fyrirtækjasviði Landsbankans. Hann sagði að netsvik af ýmsu tagi færðust stöðugt í vöxt.

Netsvik eru flokkuð niður og á fyrrnefnd aukning við átta stærstu flokkana. Landsbankinn styðst við sömu flokkun og notuð er í nágrannalöndunum. Reglulegir fundir
eru haldnir með samstarfsbönkum í öðrum löndum. Fjárfestasvik eru umfangsmesti flokkurinn og fjölgaði slíkum tilvikum þar sem verið var að blekkja viðskiptavini Landsbankans í fyrra um 152% frá árinu 2018.

„Ljóst er að íslenska lögreglan þarf að búa yfir nægilegum styrk og tæknilegri getu til að rannsaka netog tölvuglæpi. Geta hennar til þess er í dag lítil,“ segir í nýrri stefnumiðaðri greiningarskýrslu embættis ríkislögreglustjóra.

Tengdar fréttir

Netsvik

Fórnarlömb netsvika fá ekki endurgreiðslu

• Erlend netárás gerð á Bland.is
• Falskir rafmyntasalar herja á landann
• Best að skella á og hringja strax í bankann
• Fattaði fljótlega að um svindl væri að ræða

» Fleiri tengdar fréttir

• Blogga um frétt