Stjórn læknaráðs Landspítala ítrekar fyrri ályktanir sínar um erfiðar aðstæður á bráðamóttöku Landspítalans hvað varðar álag, plássleysi, mönnun og sýkingavarnir og þar með öryggi. Nýlegar fréttir af atvikum á bráðamóttöku sýna því miður fram á hve viðkvæmt ástandið getur verið.

Þetta kemur fram í ályktun stjórnar læknaráðs Landspítala. 

Frétt af mbl.is

„Það er neyðarástand á bráðamóttöku LSH“

„Það hlýtur að vera forgangsmál að tryggja öryggi bráðveikra sjúklinga, meðhöndlun sjúklings í sjúkrabíl vegna plássleysis á bráðamóttöku er dæmi um óásættanlega stöðu. Heilbrigðiskerfi er einn af hornsteinum nútímasamfélags en fjármögnun til heilbrigðismála á Íslandi er enn undir meðaltali Norðurlanda,“ segir í yfirlýsingunni. 

„Stjórn læknaráðs skorar á heilbrigðisyfirvöld að auka fjárveitingar til Landspítalans þegar í stað. Stjórn læknaráðs skorar einnig á framkvæmdastjórn Landspítalans að grípa strax til þeirra aðgerða sem mögulegar eru miðað við núverandi fjárveitingar. Endurreisn heilbrigðiskerfisins þolir enga bið,“ segir enn fremur. 

Tengdar fréttir

Kjaradeilur heilbrigðisstarfsfólks

Fátt jafn óheppilegt og deilur inn í viðkvæma starfsemi

• Sömdu við borgina
• Hjúkrunarfræðingar samþykktu miðlunartillögu
• Virkt samtal á tveggja stunda kynningarfundi
• „Áttuðu sig á hve illa verkfallið myndi bíta“

» Fleiri tengdar fréttir

• Blogga um frétt