Lögregla má ekki tjá sig um rannsóknina
Setja bókamerki
Dómari í máli íslensks manns sem er í haldi lögreglunnar á Spáni vegna gruns um að hafa orðið sambýlismanni móður sinnar að bana hefur meinað lögreglu að gefa upplýsingar um rannsókn málsins.
Þetta segir Beatriz Garcia, upplýsingafulltrúi lögreglunnar í Alicante, í samtali við mbl.is. Hún gat þó staðfest að maðurinn, sem er fertugur, verður leiddur fyrir dómara í dag.
Samkvæmt frétt spænska miðilsins Informacion mun maðurinn hafa komist inn á heimili móður sinnar og sambýlismanns hennar með því að klifra yfir vegg. Í fréttinni segir jafnframt að samkvæmt lögreglu hafi vitnisburður móðurinnar verið á þá leið að til stympinga hafi komið á milli mannanna sem hafi endað með því að sambýlismanni hennar var hrint á rúðu með þeim afleiðingum að hún brotnaði.
Maðurinn mun hafa skorist töluvert við fallið, en samkvæmt frétt Informacion fundust einnig stungusár á líkama mannsins sem ekki megi rekja til glersins úr glugganum sem brotnaði.
Í samtali við Fréttablaðið segir móðirin Informacion fara með rangt mál og að atvik hafi verið með þeim hætti að sonur hennar hafi kastað gaskút í gegnum rúðuna til þess að komast inn á heimilið. Hann hafi svo lagt til sambýlismanns hennar með hnífi.
Ekki náðist í móðurina við vinnslu fréttarinnar.
„Allt í rusli“ við brúargerð á Vestfjörðum
Vandræði með vatn í Bolungarvík
Innlend hópsýking lifrarbólgu B
Önnur aurskriða við Eyrarhlíð
Glíma enn við eftirköst E.coli-smits í Efstadal
„Skjálftaklessa á milli Grímseyjar og Öxarfjarðar“
Tré brotnuðu og umferðarskilti lagðist á hliðina
