Stór snjóflóð féllu á Suðureyri og Flateyri á tólfta tímanum í kvöld með afar skömmu millibili. Á Suðureyri varð töluvert eignatjón, en engin slys á fólki, samkvæmt upplýsingum frá lögreglunni á Ísafirði. Þar féll flóð úr hlíðinni til móts við byggðina og olli því að flóðbylgja myndaðist í Súgandafirði og gekk inn á Suðureyri.

Á Flateyri runnu tvö flóð, hvort sínu megin við snjóflóðavarnagarðana ofan við byggðina. Annað þeirra endaði á smábátahöfninni í bænum og virðist hafa valdið miklu þar tjóni.

Annað snjóflóðið á Flateyri lenti á einu húsi, þaðan var unglingsstúlku bjargað og er hún heil á húfi, ekki alvarlega slösuð, samkvæmt tilkynningu frá samhæfingarstöð almannavarna.

Frétt af mbl.is

Unglingsstúlku bjargað á Flateyri

Fólk á Flateyri beðið um að halda kyrru fyrir heima að svo stöddu og íbúar á Suðureyri eru beðnir um að halda sig frá höfninni.

Verið er að rýma einhver hús og bæði þyrla Landhelgisgæslunnar og varðskipið Þór eru á leið til Flateyrar, en varðskipið var statt á Ísafirði. 35 björgunarsveitarmenn eru á leiðinni á Flateyri með varðskipinu.

Frétt af mbl.is

Björgunarsveitarfólk á leið á Flateyri með Þór

Rauði kross Íslands er í viðbragðsstöðu og minnir á að hjálparsíminn 1717 er opinn.

Snjóflóð féll á Flateyri og Súgandafirði á tólfta tímanum. Kort/Map.is

Eitthvað virðist hafa „smitast yfir garðinn“ á Flateyri

Rögnvaldur Ólafsson, aðstoðaryfirlögregluþjónn hjá almannavarnadeild ríkislögreglustjóra, sagði við mbl.is skömmu eftir miðnætti að flóðin hefðu öll fallið á svipuðum tíma, mögulega með innan við tveggja mínútna millibili.

Hann sagði að svo virðist sem flóðin tvö á Flateyri hafi „eitthvað smitast yfir garðinn“ og á þar við ofanflóðavarnirnar, sem virðast hafa forðað byggðinni á Flateyri frá hörmungum í kvöld.

Allir viðbragðsaðilar kallaðir til

Samhæfingarstöð almannavarna var virkjuð rétt fyrir miðnætti vegna snjóflóðanna þriggja. Búið er að boða út alla viðbragðsaðila á svæðinu.

Samkvæmt Stundinni, sem greindi fyrst frá flóðunum á Flateyri, er talið að margir bátar hafi sokkið er flóð skall á höfninni. Þar er því lýst að drunur hafi heyrst um allt þorpið þegar flóðin féllu og talið sé hugsanlegt að snjóflóðavarnir hafi stýrt flóðinu frá byggðinni.

Það sem við vitum

• Tvö snjóflóð féllu á Flateyri, sitt hvoru megin við varnargarða.
• Eitt snjóflóð féll til móts við Suðureyri og varð til þess að flóðbylgja myndaðist á Súgandafirði.
• Engin slys urðu á fólki á Suðureyri, að sögn lögreglunnar á Ísafirði.
• Ekki er talið að neinn sé alvarlega slasaður á Flateyri.
• Töluvert eignatjón hefur átt sér stað á báðum stöðum.
• Bæði varðskipið Þór og þyrla Landhelgisgæslunnar eru á leiðinni á Flateyri.

Tengdar fréttir

Snjóflóð á Flateyri og Súgandafirði

„Flateyringar eru alveg sultuslakir“

• Enn unnið að hönnun þó þrjú ár séu frá snjóflóði
• Reynt að auka virkni varnargarða
• „Mér finnst ég enn þá örugg hérna“
• 265 þúsund tonna snjóflóð

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Brýnt að klára snjóflóðavarnir á landinu sem fyrst.