Almannavarnadeild ríkislögreglustjóra stefnir á að komast nokkrar ferðir með hjálparlið til Flateyrar síðdegis í dag. Ef veðuraðstæður leyfa verður flogið með þyrlu Landhelgisgæslunnar, TF-GRÓ, beint til Flateyrar.

Frétt af mbl.is

Athuga með að flytja hjálparlið vestur

Að sögn Hjálmars Björgvinssonar hjá almannavörnum er um að ræða fólk frá björgunarsveitum og Rauða krossinum. Einhverjir munu skipta við þá sem þegar hafa verið að störfum fyrir vestan vegna snjóflóðanna.

Um tólf manns munu fara í hverja ferð en Hjálmar segir óljóst hversu stóran hóp á að senda vestur.

Mun betra veðri er spáð á morgun og þá ætti að vera auðveldara að flytja fólk á milli staða.

Tengdar fréttir

Snjóflóð á Flateyri og Súgandafirði

„Flateyringar eru alveg sultuslakir“

• Enn unnið að hönnun þó þrjú ár séu frá snjóflóði
• Reynt að auka virkni varnargarða
• „Mér finnst ég enn þá örugg hérna“
• 265 þúsund tonna snjóflóð

» Fleiri tengdar fréttir

• Blogga um frétt