Veðurstofa Íslands segir að snjóflóðin sem féllu á Vestfjörðum á tólfta tímanum hafi verið þrjú og mjög stór. Tvö féllu við Flateyri (úr Skollahvilft og Innra-Bæjargili) og eitt gegnt Suðureyri (Norðureyrarhlíð) sem skapaði flóðbylgju sem fór yfir bæinn. 

Tjón hefur orðið á eignum en engin alvarleg slys á fólki svo vitað sé.

Frétt af mbl.is

Stór snjóflóð féllu á Suðureyri og Flateyri

Samkvæmt upplýsingum frá samhæfingarmiðstöðinni í Skógarhlíð, sem var virkjuð í kjölfar flóðanna, hafa íbúar á Suðureyri fengið send SMS þar sem þeir eru beðnir um að halda sig frá hafnarsvæðinu, því það geti skapast hætta falli annað snjóflóð, þ.e. að flóðbylgja geti komið inn á svæðið. Á Flateyri var unglingsstúlku komið til bjargar sem hafði orðið undir flóðinu.

Frá samhæfingarmiðstöðinni í Skógarhlíð. Myndin er úr safni. mbl.is/Eggert

Frétt af mbl.is

Unglingsstúlku bjargað á Flateyri

Óvissustig hefur verið í gildi á norðanverðum Vestfjörðum og hættustig vegna snjóflóða á Ísafirði, að því er segir á vef Veðurstofu Íslands.

Björgunarsveitarmenn eru á vettvangi og þá er von á varðskipinu Þór frá Ísafirði til Flateyrar með 35 björgunarsveitarmenn til viðbótar. 

Tengdar fréttir

Snjóflóð á Flateyri og Súgandafirði

„Flateyringar eru alveg sultuslakir“

• Enn unnið að hönnun þó þrjú ár séu frá snjóflóði
• Reynt að auka virkni varnargarða
• „Mér finnst ég enn þá örugg hérna“
• 265 þúsund tonna snjóflóð

» Fleiri tengdar fréttir

• Blogga um frétt