Félagsmenn í Félagi flugumferðarstjóra samþykktu verkfallsaðgerðir á fundi síðastliðinn sunnudag.

Kári Örn Óskarsson, formaður félagsins, segir í Morgunblaðinu í dag, að 144 hafi verið á kjörskrá og 122 hafi greitt atkvæði. 96% þeirra sem greiddu atkvæði kusu með verkfallsaðgerðum.

Samningar félagsins hafa verið lausir síðan 31. desember 2018. Kári segir að síðan þá hafi félagið fundað með Isavia og átt fundi hjá ríkissáttasemjara síðan í apríl á síðasta ári. Kári segir að bókaður sé fundur hjá ríkissáttasemja í dag, miðvikudag, og er vongóður um að árangur náist þar. „Samningar eru á viðkvæmu stigi og við viljum klára þetta við samningaborðið.“

Tengdar fréttir

Kjaraviðræður

„Það var ekki dæmt löglegt að mismuna börnum“

• Fullt út úr dyrum á baráttufundi kennara
• Kennarar tilbúnir í langvinna baráttu
• Hafa skýrt og afdráttarlaust umboð
• Foreldrum sagt að heimanám væri verkfallsbrot

» Fleiri tengdar fréttir