Munu bjarga því sem bjargað verður
Setja bókamerki
„Við reynum að lágmarka skaðann og bjarga því sem bjargað verður,“ segir Kjartan Jakob Hauksson frá Sjótækni.
Sex starfsmenn fyrirtækisins, þar af fjórir kafarar, munu taka þátt í að ná bátunum á flot sem lentu í snjóflóðinu sem féll á Flateyrarhöfn.
Undirbúningur er í fullum gangi og verður hópurinn kominn á Flateyri síðdegis í dag með tól og tæki. Flateyrarvegur verður orðinn fær á milli klukkan 15 og 16, samkvæmt Vegagerðinni. Að sögn Kjartans Jakobs fer morgundagurinn í að meta ástand og aðstæður. Að því loknu verður tekin ákvörðun um framhaldið og í hvaða röð hlutirnir verða unnir.
„Það eru nokkur tryggingafélög sem eru þarna með tjón. Menn þurfa að sameinast um hvernig verktilhögun á að vera,“ segir hann og reiknar með töluverðri vinnu.
Koma bátunum að hafnarkantinum
Verkefnið snýst um að koma bátunum að hafnarkantinum þar sem þeir verða hífðir upp. Mismunandi vinnubrögðum er beitt á milli báta. Auðveldast er að eiga við plastbátana, að sögn Kjartans. Einnig verður athugað með ýmsan vélbúnað og reynt að koma honum í gang.
Sérfræðingur frá Umhverfisstofnun mun hafa yfirumsjón með mengunarmálum í höfninni. Kjartan segir að hópurinn sinn verði með neyðarbúnað í för fyrir spilliefni og olíuleka en slíkt er hluti af fastabúnaði þeirra í framkvæmdum sem þessum, enda er fyrirtækið umhverfisvottað. „Við viljum tryggja að það verði ekki frekara umhverfistjón af völdum olíu.“
„Við verðum að vinda ofan af þessu“
„Vandamálið er ekki fólkið hérna inni“
Bæjarstjórinn ósammála ritara Sjálfstæðisflokksins
Ekki meitlað í stein að það sé komin kreppa
„Í næsta mánuði fékk ég uppsagnarbréf“
Ísland verði ekki að „fyrirheitnu landi hælisleitenda“
„Það ber enginn meiri ábyrgð á stöðu flokksins en ég“
Hyggst leiða ríkisstjórnina til enda
